Дизелот поевтин за денар, бензинот со иста цена

Од ноќеска на полноќ малопродажната цена на Еуродизелот се намалува за еден денар за литар, согласно најновата одлука на Регулаторната комисија за енергетика и водни услуги (РКЕВУ).

Од вечерва литар дизел гориво ќе се продава по цена од 70 денари.

Се менува и цената на мазутот кој ќе поскапи за 0,022 денари за килограм и ќе се продава по цена од 41,029 денари за килограм.

Останатите горива остануваат со непроменети цени. Моторниот бензин Еуросупер БС-95 чини 80 денари за литар, додека Еуросупер БС-98 се продава за 82 денари за литар.

Екстра-лесното масло останува со цена од 69 денари за литар.