Толку силен ураган никогаш не е забележан на Атлантикот толку рано во годината. Берил пустоши по Карибите, загрозувајќи ги животите на илјадници луѓе, кои побараа спас во засолништа. Но, има и необјасниви исклучоци.
Овој сурфер на брегот на Барбадос им пркосеше на високите бранови предизвикани од ураганот Берил од највисока – петта категорија. Според зборовите на министерот за внатрешни работи Вилфред Абрахамс, карипскиот остров имал среќа и немало пријавени смртни случаи или повредени во дивеењето на Берил.
Според американската метеоролошка агенција, сезоната на урагани на Атлантикот, која започна дури во јуни, може да биде невообичаено силна годинава. Покрај високите температури на водата, причина е и очекуваната појава на климатскиот феномен „Ла Ниња“, фазата на постудена вода во Пацификот. Климатските промени, исто така, играат улога: глобалното затоплување ја зголемува веројатноста за силни бури.