Саше Димовски долги години следеше судство во Канал 5, а дел од својот работен век го помина и во Сител и во Алфа телевизија
На 47-годишна возраст, вчера почина новинарот Саше Димовски, кој во јавноста беше познат по следењето на случувањата во судството. Тој неодамна беше именуван за член на Комисијата за помилување од претседателката Гордана Сиљановска-Давкова, а беше и претседател на Советот на честа на ЗНМ.
Саше Димовски долги години следеше судство во Канал 5, а дел од својот работен век го помина и во Сител и во Алфа телевизија. Негов беше порталот Сведок.мк. Димовски беше соработник во повеќе медиуми во областа на правосудството.
Погребот на Димовски ќе се изврши утре на градските гробишта во Велес.