5 ГОДИНИ ПУБЛИКУМ

ПУБЛИКУМ се појави на денешен ден, во 2016 година.

Во изминатите 5 години не беше ниту лесно, ниту едноставно да се избориме за место под сонцето. А со оглед на прилично турбулентниот период низ кој поминавме и сеуште поминуваме, богами, не беше ниту премногу “конфорно“ да се биде во кожата на тимот на ПУБЛИКУМ.

Но таква е нашата медиумска реалност. И не само македонската. Впрочем, вистината за новинарскиот „леб со седум кори“ и ризикот на новинарската професија, кога таа се работи без калкулации и компромиси, своевремено ја кажа едно од најголемите журналистички пера на балканските простори, Александар Тијаниќ:

„Кога човек веќе има ‘јајца’ да објави некој текст, мора да биде спремен да ги поднесе и последиците на своите зборови. Фигуративно, секој пат кога дигав перо на некој, дигав рака на самиот себе. Не беше едноставно, не беше безболно“. 

Борбата за слобода на говорот е процес кој трае. Идентично како и слободата, ниту таа не се освојува еднаш засекогаш. Затоа, заедно продолжуваме понатаму.

Да се множат годините!