Филипче: ВМРО-ДПМНЕ потфрли во сите ветувања, ЗНАМ се подизведувачи на нивните политики

Филипче: ВМРО-ДПМНЕ потфрли во сите ветувања, ЗНАМ се подизведувачи на нивните политики

ВМРО-ДПМНЕ има изгубено 100.000 гласови од изборите до сега. Големо е разочарувањето во јавноста дури и кај оние кои гласаа за нив, изјави претседателот на СДСМ, Венко Филипче за време на вчерашната посета на Битола и средбата со членови и симпатизери на партијата.

„ВМРО-ДПМНЕ потфрли во сите ветувања во јавноста, особено во делот на политичка одговорност. Нема одговорност за никој кој го прекршил законот. Нема одговорност за Гаши, за началниците на границата, за партиски кадри кои се фатени во криминал“, рече Филипче.

„Наши гласачи кои не гласале или решиле да не’ казнат, пристапуваат назад. СДСМ се консолидира и од оваа есен започнува организирано и силно политички да делува. Верувам дека можеме брзо да го подобриме резултатот и да се вратиме на победнички патеки. СДСМ е единствена партија која може да го победи ВМРО-ДПМНЕ“, потенцираше Филипче.

ЗНАМ и Максим Димитриевски откако се влезени во власта потврдија дека ги интересирале само фотелјите, додаде тој.

„Тие поддржуваат антисоцијалдемократски политики и се само подизведувачи на ВМРО-ДПМНЕ. Она што јас прв го алармирав сега се покажува како точно, а тоа е дека неговата улога беше само да го подели СДСМ“, истакна претседателот на СДСМ, Венко Филипче.

Прочитајте повеќе

Битиќи: Задолжувањето од Унгарија е економско предавство, удар врз домашните компании

Битиќи: Задолжувањето од Унгарија е економско предавство, удар врз домашните компании

„Државата се доведува во ситуација со пари на граѓаните евентуално да финансираат странски фирми, наместо …