ПУБЛИКУМ Вистината на прво место
Децата присуствувале на настап во танцовата школа кога напаѓачот вооружен со нож влегол во просториите и почнал да ги напаѓа
Две деца загинаа како последица на напад со нож во градот Саутпорт, на североистокот на Англија, соопшти полицијата, наведувајќи дека е уапсен 17-годишен напаѓач.
Во нападот се повредени уште девет деца, од кои шест критични, а двајца возрасни се во тешка состојба.
Полицијата соопшти дека осомничениот бил уапсен и пронајден е нож. Нападот се случил околу 12:50 часот по средноевропско време, а полицијата соопшти дека сè уште не е познат мотивот за нападот, но дека не е поврзан со тероризам и дека осомничениот немал соучесници.
Шефицата на полицијата во Мерсисајд, Серена Кенеди, на прес-конференција изјави дека полицајците биле шокирани кога пристигнале на местото и кога откриле дека голем број луѓе, повеќето деца, биле подложени на „жесток напад“ и се здобиле со сериозни повреди.
Според Кенеди, децата присуствувале на настап во танцовата школа кога напаѓачот вооружен со нож влегол во просториите и почнал да ги напаѓа.
„Веруваме дека возрасните кои беа повредени храбро се обидуваа да ги заштитат децата кои беа нападнати“, рече началникот на полицијата.
Според првичните информации, убиецот е од областа Бенкс, но по потекло од Кардиф.
JUST IN – “17-year-old male” arrested after killing 2 children, critically injuring 6 children and 2 adults with a knife in Southport, England.pic.twitter.com/BWO7YRfCRU
— Disclose.tv (@disclosetv) July 29, 2024
Сведоци на настанот ја опишувале сцената како „ужасна“ и рекле дека „никогаш не виделе нешто слично“, пренесе Би-Би-Си.
„Кошмар е – најголемата, најстрашната работа што можеш да ја доживееш, да гледаш мали деца во таква состојба“, изјавувале очевидци.
Кратко време откако била повикана полиција, вооружени возила за одговор, 13 амбулантни возила и противпожарна служба се упатиле кон местото каде што се одржувала танцовата школа, кој била наменета за деца на возраст од шест до десет години.
