Протести во Франција по победата на екстремната десница на првиот круг од изборите

Демонстрации против француската крајнодесничарска партија Национален собир, повикани од крајната левица, доцна синоќа се претвориле во судири со полицијата и немири во центарот на Лион, јавија француските медиуми.

Левицата повика на демонстрации откако беше обjавено дека Националниот собир води во првиот круг од парламентарните избори со околу 34 отсто освоени гласови.

Демонстрации имало и во Рен и Рије-ле-Папу, а се известува и дека имало немири во париското предградие Бобињи.

Вториот круг од вонредните парламентарни избори ќе се одржи на 7 јули.

Предвремените избори, кои францускиот претседател Емануел Макрон ги распиша по поразот на неговата партија на изборите за Европскиот парламент на почетокот на јуни, се сметаат за едни од најзначајните во последните децении за Франција и може да има големи последици за нејзината водечка улога во Европската Унија и НАТО.

Извор: РСЕ