Во седницата во четврток и во нејзиното продолжение во петок имаше шест неуспешни обиди да се изгласа наследник на досегашната претседателка Добрила Кацарска, чиј мандат истече вчера
Денеска повторно ќе се гласа за нов претседател на Уставниот суд, по шесте неуспешни обиди на седницата во четврток и на нејзиното продолжение во петок.
Судиите на Уставниот суд гласаа меѓу кандидатките Татјана Васиќ Бозаџиева и Ана Павловска Данева, но ниедна од нив не го доби потребното двотретинско мнозинство.
Тригодишниот мандат на досегашната претседателка Добрила Кацарска ѝ истече вчера. Покрај неа и двете кандидатки, другите активни судии во Судот се Насер Ајдари, Осман Кадриу, Дарко Костадиновски, Фатмир Скендер, Елизабета Дуковска и Јадранка Дабовиќ Анастасовска.
Според Деловникот, секој судија има право да предложи кандидат за претседател на Уставниот суд. Предлогот за кандидат за претседател на Уставниот суд е потоа утврден од комисија од тројца судии, избрани со мнозинство од вкупниот број на судии. Ако кандидатот не го добие потребното мнозинство гласови, постапката за избор на претседател се повторува.
ПУБЛИКУМ Вистината на прво место
