Шекеринска: Се повлекувам од функцијата заменик претседател на СДСМ

После 8 години, Радмила Шекеринска се повлекува од заменик претседателската функција на СДСМ. Таа денеска потврди дека на претстојниот партиски конгрес во мај нема да поднесе кандидатура за позицијата на која беше избрана во 2013-та.

-Добив прашање од мојата Општинска организација дали сум кандидат, кажав дека не сум, затоа што сметам дека и СДСМ и политичката сцена на Република Северна Македонија, одат напред кога постојано продуцираат нови кадри. Апсолутно, пристапот кон Конгресот треба да ни биде да формулираме и нови политики, а тие да бидат подобри, изјави Шекеринска.