Земјотрес попладнево почувствуван во Скопје

Земјотрес попладнево во 14 часот и 6 минути бил регистриран во Скопје, со локална магнитуда од два степена според Рихтеровата скала.

За ова информираше Сеизмолошката опсерваторија при Природно-математичкиот факултет (ПМФ) во Скопје, откако телеметриската сеизмолошка мрежа на станиците инсталирани ширум земјава, го регистрирала земјотресот.

Според досегашните податоци со кои располага опсерваторијата, земјотресот бил почувствуван од населението во градот Скопје, со интензитет од три степени според Европската макросеизмичка скала.

Извор:МЕТА